Mətbuat konfransının sonunda Tramp tezliklə yeni görüşə ümid etdiyini bildirib və bundan sonra Putinlə əl sıxışıb.
D.Tramp sammitdə razılaşma əldə olunmadığını bildirib. "Tam qarşılıqlı anlaşma tapa bilmədik", - o əlavə edib.
"Biz bir çox bəndlər, mən deyərdim, çoxu üzrə razılığa gəldik. Bir-iki vacib məqam var ki, hələ tam çözməmişik, lakin biz artıq müəyyən bir yol açmışıq. Hələlik razılaşma yoxdur", - Tramp bildirib.
Eyni zamanda, Tramp söhbətin məhsuldar keçdiyini deyib: "Biz bu gün böyük irəliləyiş əldə etdik".
Putin ABŞ ilə əməkdaşlığa qayıtmağa çağırıb və vurğulayıb ki, "birgə iş üçün çoxlu maraqlı istiqamətlər" var: "Ölkələrimizin səhifəni çevirib əməkdaşlığa qayıtması vacib və zəruridir. Ümid edirəm ki, bunu bacaracağıq".
Putin ümidvar olduğunu bildirib ki, Ukrayna və Avropa danışıqlara maneə yaratmayacaq: "Təxribatlar və ya pərdəarxası intriqalar vasitəsilə irəliləyişi pozmağa cəhd göstərməyəcəklər".